जैन विद्यालयाच्या विद्यार्थ्यांच्या नृत्यांनी उपस्थितांनी मने जिंकली; जीवनात यशस्वी होण्यासाठी मेहनत व प्रयत्नांची गरज – रायठ्ठ्ठा

जालना । प्रतिनिधी – जीवनात यशस्वी व्हायचे असेल तर मेहनत व प्रयत्न करण्याची आवश्यकता असल्याचे प्रतिपादन सुनील रायठ्ठ्ठा यांनी येथे केले. श्री. म. स्था.जैन माध्यमिक विद्यालयात ‘नृत्यगंध’ वार्षिक स्नेहसंमेलनप्रसंगी मुख्य अतिथी म्हणून श्री रायठ्ठ्ठा बोलत होते.

यावेळी श्री. व स्था .जैन श्रावक जालनाचे अध्यक्ष सुदेशकुमार सकलेचा अध्यक्षस्थानी उदघाटक श्रावक संघाचे महामंत्री डॉ. धरमचंद गादीया तर भरतकुमार गादिया, हस्तीमल बंब, विनयकुमार कोठारी, अरुण मोहता तसेच शालेय शिक्षण समितीचे अध्यक्ष जितेश भायानी, विजयकुमार भंडारी, विजकुमार नाहार यांची प्रमुख उपस्थिती होती.
पुढे बोलतांना सुनिल रायठठ्ठा म्हणाले की, उद्योगपती होण्यासाठी आपण सर्वांनी काय केले पाहिजे, कोणकोणत्या बाबींची आवश्यकता आहे हे सांगितले. मेहनतीच्या व प्रयत्नाच्या बळावर आपण प्रत्येक बाब मिळवू शकतो असे सांगितले. तसेच जीवनात यशस्वी होण्याचा कानमंत्र त्यांनी यावेळी विद्यार्थ्यांना दिला.
अरून मोहता यांनी प्रेरणादायी उदाहरणे देत विद्यार्थ्यांना मार्गदर्शन केले. डॉ. धरमचंद गादिया, जीतेश भायानी यांनीही विद्यार्थ्यांना मार्गदर्शन करून सहभागी सर्व विद्यार्थ्यांचे कौतुक केले. तसेच सर्व शिक्षकांचे त्यांनी कौतुक केले.

विद्यार्थ्यांनी बहारदार नृत्य सादर करून उपस्थितांची मने जिंकली. लिली पुट या नृत्य प्रकारचे सादरीकरण करून उपस्थितांची मने जिंकली. विद्यालयाचे मुख्याध्यापक श्री वानगोता यांनी अहवाल वाचन केले. कार्यक्रमास पालक शिक्षक व विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी पर्यवेक्षक श्री.मतकट्टे, श्रीमती सोमाणी, श्री शिंदे, सर्व शिक्षक, एनसीसीचे विध्यार्थी यांनी सहकार्य केले. कार्यक्रमाचे प्रास्तविक सूत्रसंचालन श्री.आवटे व श्रीमती सोमाणी, श्रीमती ढगे, श्रीमती सारिका देशपांडे व विद्यालयातील विद्यार्थ्यांनी कू. समृध्दी भालेराव, कू.वैष्णवी, कू.आजगे यांनी केले.