युवा आदर्श : पनवेल
सदर तक्रार दाखल होताच पोलीस आयुक्त मिलिंद भारंबे, उपयुक्त पंकज डहाणे, सहाय्यक पोलीस आयुक्त मयूर भुजबळ, यांच्या मार्गदर्शनाखाली वपोनि संदेश रेवले, पोलीस निरीक्षक अरूण पवार, यांचे देखरेखीत सिबीडी पोलीस ठाणे गुन्हे प्रकटीकरण कक्षाचे सपोनि सुरेश डाबरे, पोउपनि विष्णू वाघ, पोहवा पाटील, पठाण, भोकरे, चव्हाण, पोना बंडगर, वाघ, साबळे, पोशि पाटील, पोशि पाटील आदींच्या पथकाने गुन्हयातील चोरी झालेल्या वाहनाचा व अज्ञात आरोपीचा शोध घेत असताना दिवसरात्र अथक परिश्रम घेवून घटनास्थळ व आजूबाजूचे परिसरातील सुमारे ५० ते ५५ सीसीटीव्ही कॅमेऱ्यांची पाहणी करत अशरफ आलम शेख (वय २१ वर्षे, रा. टाटानगर झोपडपटदी, सेक्टर १०) व त्याचा सहकारी रमजान अब्दुलमतीन शेख उर्फ पापा (वय २२ वर्षे टाटानगर, सेक्टर १०) या २ संशयित आरोपी निष्पन्न केले.
या संशयितांचा सदरील गुन्हयातील सहभाग निष्पन्न झाल्याने त्यांना अटक करून त्यांच्याकडून फिर्यादी यांची अॅक्टीव्हा स्कूटी हस्तगत करण्यात आली. अधिक तपासामध्ये त्यांच्या कडून चोरीच्या १७ गाड्या ज्याची किंमत २० लाख ४५ हजार इतकी आहे त्या हस्तगत करण्यात आल्या आहेत.
About The Publisher
