युवा आदर्श : पनवेल
दिनांक २६ जानेवारीला ७६ व्या प्रजासत्ताक दिनाच्या निमित्ताने लायन्स क्लब ऑफ पनवेल
चॅरीटेबल संस्थेमार्फत प्रायोजक लायन डॉ.संजय पोतदार व अध्यक्ष ला. एस. जी चव्हाण, सेकेटरी लायन अशोक गिल्डा व लायन्स क्लबचे इतर सभासद यांच्या मदतीने आणि डॉ प्रभाकर पटवर्धन स्मृती रुगणालय याच्या सहकार्याने डायलसिस सेंटरचे उद्घाटन समारंभ नुकताच पटवर्धन हॉस्पीटलमध्ये पार पडला .
लायन्स क्लबचे प्रमुख अतिथी प्रांतपाल लायन एन.आर.परमेश्वरन, मल्टिपल कौन्सिल चेअरपर्सन ला.अमरचंद शर्मा, पी डी जी ला सुरेंद्र शर्मा फाउंडर चेअरपर्सन लायन हॉस्पीटल कोपरखैरणे, प्रथम प्रांतपाल ला. संजीव सूर्यवंशी, द्वितीय प्रांतपाल प्रवीण सरनाईक, डी सी जी एस टी लायन विजय गणात्रा, स्पॉन्सरर लायन संजय पोतदार, रीजन चेअरपर्सन ला. सुयोग पेंडसे, अध्यक्ष ला एस जी चव्हाण, सर्व इतर मान्यवर आणि आर एस एस जनकल्याण समितीचे डॉ. प्रभाकर पटवर्धन स्मृती रूग्णालयाचे अध्यक्ष डॉ. कीर्ती समुद्रा, प्रदिप पराडकर खजिनदार महाराष्ट प्रांत, व इतर ट्रस्टी आणि संचालक यांच्या हस्ते डायलसिस सेंटरचे उद्घाटन करण्यात आले.
लायन्स क्लब ऑफ पनवेलचे अध्यक्ष ला. एस जी चव्हाण यांनी आपल्या प्रास्ताविकात सांगितले की डॉ. पटवर्धन हॉस्पीटल आणि लायन्स क्लब या दोघांचे उद्दीष्ट हे एकच आहे गोरगरिबांना माफक दरात चांगली आरोग्य सेवा उपलब्ध व्हावी या हेतूनेच लायन्स क्लब ऑफ पनवेल पटवर्धन हॉस्पीटलशी जोडला गेला आहे आणि त्यांचे डायलेसिस सेंटरला अदयावत करण्यासाठी लायन्स क्लब पनवेलने मदत केली. यामध्ये पीएमजेएफ लायन डॉ. संजय पोतदार यांचा या मध्ये मोलाचा वाटा आहे.
लायन संजय पोतदार यांनी म्हटले आहे की हॉस्पीटल बांधण्याची खूप तळमळ होती आणि त्याची सुरुवात आज झाली आहे याचा आम्हांला खूप आनंद झाला आहे. तसेच सर्व तळागळातील गरीब आणि गरजू लोकांना अत्यंत योग्य दरामध्ये ही सेवा मिळेल आणि त्याचा फायदा त्यांना होईल. आणि पनवेलच्या गरजु लोकांना आम्ही चांगली सेवा देण्याचा प्रयत्न करू.
कार्यक्रमासाठी पनवेलचे नामांकित डॉक्टर दिपक कुलकर्णी, डॉ ययाती गांधी व इतर डॉक्टर्स हजर होते.
लायन्स क्लब ऑफ पनवेलचे अध्यक्ष ला. एस जी चव्हाण व सेक्रेटरी ला.अशोक गिल्डा यांनी समितीचे पदाधिकारी आणि हॉस्पीटल स्टाफ व डॉक्टर्स यांच्या सहकार्याबद्दल आभार व्यक्त केले.
