जालना । प्रतिनिधी - महाराष्ट्र राज्य परिवहन महामंडळातर्फे छत्रपती संभाजीनगर ते अयोध्या आराम, ईलेक्ट्रीकॅल्स, शिवशाही बस सेवा सुरु करून जिल्ह्यातील भाविकांना प्रभू श्रीरामाचे दर्शनासाठी सुविधा उपलब्ध करून देण्याची मागणी स्वातंत्र सैनिक पाल्य युवक समितीचे प्रदेशाध्यक्ष बाबासाहेब कोलते यांनी विभाग नियंत्रक छत्रपती संभाजीनगर यांच्याकडे एका निवेदनाद्वारे केली आहे.
विभाग नियंत्रक यांना दिलेल्या निवेदनात बाबासाहेब कोलते यांनी म्हंटले आहे की, महाराष्ट्र राज्य परिवहन महामंडळामार्फत छत्रपती संभाजीनगर ते अयोध्या आराम, इलेक्ट्रिकल्स, शिवशाही बस सेवा छत्रपती संभाजीनगर जिल्ह्यातून सुरु करावी, कारण छत्रपती संभाजीनगर जिल्हा हा धार्मिक व साधू संतांची भूमी म्हणून ओळखली जातो, छत्रपती संभाजीनगर जिल्ह्यात अनेक धार्मिक संस्थाचे कामे मोठ्या प्रमाणावर होत असून जिल्ह्यात भाविकांची संख्या मोठ्या प्रमाणात आहे. छत्रपती संभाजीनगर जिल्ह्यातून आयोध्याला जाण्यासाठी सध्याची परिवहन व्यवस्था जास्त प्रमाणात खासगी स्वरुपाची असून सर्वसामान्य नागरिकांना परवडणारी नाही.
महाराष्ट्र राज्य परिवहन महामंडळाच्या छत्रपती संभाजीनगर आगारातून छत्रपती संभाजीनगर ते आयोध्या आराम बस, इलेक्ट्रिकल बस व शिवशाही बस सेवा सुरु केल्यास छत्रपती संभाजीनगर आणि शेजारच्या जिल्ह्यातील भाविक पर्यटक यांच्यासाठी लाभदायी ठरेल त्याचबरोबर परिवहन महामंडळाचे उत्पन्न वाढविण्यास मदत होईल.
निवेदनाचा व छत्रपती संभाजीनगर जिल्ह्यातील भाविकांचा हिताचा विचार तात्काळ होऊन छत्रपती संभाजीनगर ते आयोध्या बस सेवा सुरु करावी अशी मागणी बाबासाहेब कोलते यांनी केली आहे.
.jpg)
